被荒废了的地方～～

        我返来啦！

        一连三日，珠海—澳门之旅完满结束！

        去之前觉得：澳门，一个小小既地方，繁荣热闹未及香港，系电视上已经将佢所骄傲既世界遗产睇过无数次，应该无乜新鲜感，所以无特别兴奋。去完返来之后觉得：澳门，虽然地方唔大，但系系一座中西文化融合，有着深厚文化底蕴既小城，街头巷尾都散发着一种诱人历史同现代结合既既气息，令人欣驰神望！

        总体来说，澳门市区俾我最深既印象系—一细。百分之八十既马路都系窄窄既，但系竟然系甘窄既马路两边，都密密麻麻停满晒私家车同电单车。因为马路太窄，所以澳门既公交车大多数都系30座倒既新福利同澳巴，偶然都会见到一部好似广州巴士甘长既澳巴。不过好在公交全部都有空调，而且车费比香港平好多：澳门市区每位2.5澳门币，过氹仔3.3，过路环4.0, 到黑沙海滩5.0。坐住细细部既巴士系窄窄既街道穿梭都咪话唔过瘾！同时要赞叹司机高超既驾驶技术。澳门既汽车司机非常礼让行人，只要行人行斑马线。澳门的士好少，尤其系市中心以外既地方，要截车简直就系难过登天！

        澳门既消费唔算好高，酒店，公交都同内地差唔多，但系食野就贵好鬼多！！！一碗最普通既云吞面都要案15澳门币，葡国菜就更加贵啦。所以要食好野，就要记得带够钱啦！

        亲身去到澳门既世界遗产，例如大三巴牌坊，大炮台，圣母玫瑰堂，议事亭前地，会有一种睇电视无既感觉，虽然游人众多，但仍然可以从中感受到遗址既神圣，好似接受左一次洗礼一样。

        澳门商店最多系金铺，不过买金既人唔多。餐厅食肆，药房，私人诊所，干货店都唔少。街市各有特色，个名最得意噶就系红街市（外墙红色）同水上街市（卖海鲜）。讲到shopping，我行得最多既系议事亭前地，附近有齐各个牌子专卖店，特色既书店，小食店，Watsons，SaSa，The body shop等。而我就系一间叫Vertical club既时装店买左一件白色上衣，系SaSa买左少少化妆品。澳门各个博物馆入面既商店都有野卖噶，好似澳门既葡萄酒博物馆就有品种齐全既上等葡萄酒卖。

        讲起澳门既葡萄酒博物馆（Wine Museum of Macau），真系好正！除左介绍葡萄酒既历史，种类，酿造方法，品尝方法，展览酿酒用具之外，博物馆仲俾游客试饮各种口味既葡萄酒，有甜同唔甜，红port同白 port，仲有玫瑰露。斟酒果个系外国人，我仲有机会练口语添（不过因为耐无讲，加上涉及葡萄酒既用语，搞到我口窒窒）。

我认为去澳门，一定要游览呢几个景点：(全部都系我既亲身感受,绝对无抄介绍!)

1．澳门历史城区

       所有既澳门世界遗产都包括系澳门历史城区入面，例如：大三巴牌坊，大炮台，圣母玫瑰堂，议事亭前地，圣若瑟修院及圣堂，妈祖阁等，佢地系中西文化既完美结合。无去过呢D地方，就等于无去过澳门。

2．澳门旅游塔（Macau Tower）

       澳门旅游塔塔高338米，系世界第10高塔，澳门最高建筑。玻璃电梯只要45秒就从地面上到第58层观光层。58层，系室内观光层，游客可以360度鸟瞰澳门既无敌美丽景色。盏鬼既系，系呢层既地板，有几块透明既玻璃，踩系玻璃上面，脚底下就悬空噶啦（相册有图）！因为58楼既高度，好多游客都唔甘企系玻璃上，惊死玻璃唔够稳固，会跌落去。58至61层之间系视野极度开阔既旋转餐厅。第61层系室外观光层，有惊险刺激，送埋DV录像既游乐项目，例如高空漫步，高飞跳（类似但绝对刺激过笨猪跳），高空攀爬（类似电影KingKong最后女主角爬上帝国大厦最高点）。既然甘刺激，收费就梗系不菲啦！双人高飞跳一次好似要1300几澳门币。虽然贵，但系玩既人都唔少啊！

3．葡京娱乐场

       去澳门点可以唔去葡京！世界著名赌场之一，就算无钱或者唔够胆赌，都一定要去见识下。葡京娱乐场入面负一层有老虎机，第一层系细赌台，有赌大细，三公，牌九之类既好几种，二三楼系百家乐厅，越赌越大。除左赌徒之外，荷官全场都系，着住统一既制服，用熟练至极既手法管理住各张台既筹码。同场仲有好多负责秩序保安既大只佬，见边个赌徒唔妥就第一时间制服佢。睇人赌自己唔出手既人都好谨慎，唔敢乱讲野，乱指人，都只系细细声同身边既人议论。灯光唔算光猛，场内充满计时器够钟既“铃铃”声，人既唔算太嘈既嘈杂声。个个赌徒都专注赌博，系呢个环境中，我感觉到一个词：声色犬马。

4．氹仔

呢几日超级迷恋甜品啊！

缘于前几日同诹郡闻聚旧,系greenery cafe食左块好正好正既blueberry cheese cake.软滑既芝士蛋糕带住浓浓既蓝梅香味,仲有甜甜既朱古力酱,超级钟意啊！~~~

一早就听讲过韩国既cafe mix&bake,今日无意中俾我发现左几张wallpaper,实在系睇到都流口水拉!于是摆左系相册度同大家分享下... ...

以下呢几张都令人食指大动！呵呵~~~

    昨天晚上的欢送会真的好难忘，好感动！

    直到昨天晚会，我才发现统二原来有这么多能人。平时大家都深藏不露啊！哼哼！整蛊我的游戏，欢快的歌声，优雅的舞姿，深情的告白，感人的回顾，多次，使我的眼眶充满了感动的泪水。但是我没有哭，因为这应该是一个只有欢笑的夜晚。谢谢统二48位亲爱的同学仔！当手里拿满了五彩的星星和彩纸还有大家签名的T恤，心里装满了大家对我的爱和祝的时候，我感到前所未有的幸福和满足！

    刚才拆开大家给我写的彩色小纸条和T恤上各具特色的签名，每字每句都充满大家真挚的感情！这让我仿佛看到了48颗纯真美好的心，是对我最足够的肯定！

    统计二班是我遇到过最团结的班集体。篮球赛，女生节，班报，班歌，平时生活上的互相帮助，每一件事都体现出大家的真心关爱。统二给我的感觉是每一位同学都很纯真，都拿自己的心出来与别人交朋友。能得到这48份珍贵的友谊，我万分的幸运！在以后的学习生活工作中，无论遇到什么困难，被谁误解，我都会因为有48份珍贵的支持而充满力量！

    眼一眨，一年过去了。大家从刚进大学一脸茫然，到现在成为一个意气风发的好大学生，作为小小师姐，我觉得好高兴！大家以后当我是朋友就好了。回到本部，欢迎大家来看我，到时我一定好好招呼大家！^_^

    我还要跟女生说不好意思！因为离得太远，我没有经常到14号楼看大家，也没有在生活细节上照顾到大家，我做得不够，请大家多多包涵！

     我这个小班主任就快光荣退役了，呵呵！希望05统计二班今后继续团结友爱，执着追求心中的梦想，永不放弃，最重要的是每个同学都开开心心！我们明年广州再欢聚！

    我之所以会做班主任，其实系因为上学期尾选唔上学院既部长。衣家谂返起，好采无做部长，做左班主任，如果唔系，我会非常后悔嘎！~~~

        我地学校大部分学生都会系三水校区读大一大二，大三先搬返广州校本部。甘样，作为大二既老生，就有责任为岩入学大一既新生提供一定程度的帮助。例如：入学第一日带宿舍，开学初帮大家解决生活上既唔适应，熟悉学校情况同环境，同学之间互相认识，照顾军训，选班委等等既事情。为左方便工作，院系既辅导员都会为每个班新生派一男一女两个班主任（从大二直系班学生中拣）。因此，通常两个班主任都会来自同一个班。但系因为统计班系从05级先至并入我地经济学院，直系班系本部，所以，呵呵，我衣个国贸班既师姐有机会做距地既班主任，而我既拍档姚同学则系04国贸1班既同学仔。

        做班主任真系好“梳扶”嘎！^_^~~~虽然开学第一个月忙到透唔到气：新生动不动就打你电话，叫你去宿舍帮她解决问题。我地班女生仲要住系全校最偏远既14号楼，我跑过去一次至少要10分钟；帮距地搞中秋晚会（如宿后第一个晚会）；班入面要开好多次班会，搞定好多问题；仲有好多适应学校既方法要不厌其烦同距地讲；要经常去睇距地军训（烈日当空，辅导员竟然规定班主任唔俾担遮！），边睇边帮距地影相（虽然好有趣）！

        过左第一个月之后就系好日子啦！……去睇早读系自愿为原则既，唔去都得噶（以前我经常懒唔去）。统二有咩活动，都会预埋我一份，去旅游啦，运动会啦，主题班会啦，我有时会俾少少意见距地改进。临近复习考试阶段，我地大二会组织几个同学去距地班讲下考试经验同复习窍门，班主任自然系必到既人。除此之外，都无咩好忙既工作啦。

        付出一定会有回报既！我既回报可丰富咯！呵呵。距地个个都对我好好，见到面大大声叫我，学院讲座帮我留门票，成日请我食宵夜，女生节送花俾我，次次我去男生宿舍探他们，他们都会绅士地送我返宿舍。……更重要既系，距地真系好可爱！正如我上一篇日志所写既，个个都傻傻既，好纯真，真系拿个心出来对你果种（当然系因为我系甘对距地啦）。所以同他们一齐好开心！